மண்டையோட்டால் வந்த கவிதை?

ஏய் மனிதா!
உற்று நோக்கு உற்று நோக்கு!
உனக்குள் உன்னை உற்று நோக்கு!
உள்ளிருப்பது வெறும் எலும்பும் சதையும்தான்!
முகத்தோடு உன் அகத்தையும்
வண்ணப் பூச்சால் மறைத்து விட்டாய்!
உற்று நோக்கு உற்று நோக்கு!
எலும்பும் சதையும் தாண்டி உற்று நோக்கு!
உன்னை உணர்வாய்! உண்மை உணர்வாய்-பின்
எதற்கு இந்த பொய் வேடம்?
எதற்கு இந்த பித்தலாட்டம்?
இயன்ற வரையில் பிறர்க்கு உதவி,
இயலாது போயின் மடிந்து போ!
உன் கல்லறைக்கு வரும் கூட்டம்
நீ கசடற்றவனா என்பதை கற்பிக்கும்!